Знаеме дека она што го јадеме влијае на нашето здравје и тело. Тоа е уште поважно кај децата, нивниот незрел имунолошки систем и системот за варење на храната ги прави поосетливи на храната што ја јадат. Тоа може многу брзо да доведе до последици ( пролив, повраќање, запек, ...) или тие се помалку видливи и се појавуваат после неколку години (болести на срцето).

Поради сите овие причини, а и затоа што преханбените навики влијаат и на младоста, храната на Вашето дете е многу важна уште од самото раѓање.

Од раѓањето до првата година од животот најважна храна на Вашето дете е млекото. На возраст од 18 месеци детето се храни како и останатите членови на семејството. Како да се помине од мајчино или детско млеко на цврста, разновидна храна?

Која храна одговара за Вашето дете?

		Вашето дете е на возраст од 0 до 6 месеци
		Вашето дете е на возраст од 6 месеци до 1 година
		Вашето дете има 1 година и повеќе

Вашето дете е на возраст од 0 до 6 месеци

Млекото е единствена храна која новороденчето ја пие од раѓање до својата 4/6 месечна возраст. Мајчиното млеко е најдобро за новороденчињата, ги содржи сите потребни хранливи состојки за раст и се пролагодува како детето расте. Меѓутоас, кога новороденчето не може да биде доено постојат млечни формули. Посоветувајте се со својот педијатар или стручно лице.

Назад

Вашето дете е на возраст од 6 месеци до 1 година

Поминаа 6 месеци од раѓањето на Вашето дете, времето брзо помина и детето многу се промени. Спие помалку, се дига, слуша и.т.н. Потребите во исхраната се менуваат, па треба да се промени и неговата исхрана за да ги задоволи новите барања. 

Мајчиното млеко сеуште е најдобра храна за вашето дете. Но ако мајката не може да дои, млечните формули можат да ги задоволат сите потреби ако се користат како дел на разновидната исхрана. Веќе со 5 месеци детето е спремно да открива нови вкусови и својства. Тоа е голем чекор на патот на исхраната, а и психолошки.. Малку по малку Вашето дете ќе јаде како и возрасните. Но ... бидете стрпливи. Тоа ќе се случи постепено.

Пред неколку години е препорачано уште во раните периоди да се дава разновидна храна. Но, денес многу од стручните лица се сложуваат дека тоа не би требало да биде пред 4 до 6 месечна возраст. Пред тоа мајчиното млеко или детските формули му даваат на Вашето дете доволно хранливи состојки. Неговиот неразвиен дигистивен систем не може да ја совлада цврстата храна. Рано давање на разновидна храна може да го зголеми ризикот од појава на алергии.

Неколку едноставни правила со цел да се избегнат проблемите:

Секојпат започнете со еден вид на храна и тоа во мали количини, на детето му треба време да го открие и оцени новиот вкус.

Ако сметате дека Вашето дете не сака некаква храна, немојте да го присилувате. Обидете се да му ја дадете покасно во некој друк оброк.

Немојте да заборавите, оброците преставуваат посебен однос помеѓу Вас и Вашето дете, иако понекогаш треба да бидете трпеливи!

Што треба да знаете ...

Храната е класифицирана во 5 категории
	Овошје
	Зеленчук
	Млечни производи
	Јајца
	Месо и риба

За да имаме урамнотежена исхрана потребно е да се јаде барем една порција од секој вид на храна секој ден. Истото важи и за децата кога преминуваат на цврста храна. 

Назад

Постепено воведување на мешовита исхрана

Тоа е важен чекор во животот на вашето дете. Овде ќе најдете корисни совети кои ќе ви помогнат. За сите дополнителни информации, можете да ни се обратите: filip.vrcakovski@medis.si  

Возраст на Вашето дете

Од четвртиот месец можете да му дадете на вашето дете неколку мали лажици на ден житни снегулки прилагодени за деца. Почнете со “ дијастаза снегулки “ кои се прилагодени за неразвиениот дегитивен систем на Вашето дет. Мешајте го тоа во шишенцето откако ќе ја одредите препорачаната количина од упатството. Исто така можете да почнете да го прилагодувате детето на вкусот на овошјето и зеленчукот.

Зеленчук

Изборот на зеленчукот е голем ( грашок, тиквички, спанаќ, морков, печурки, ...). Треба да почнете со давање на пире од зеленчук кој што ќе го помешате во шишенцето со млеко или млечна формула или дајте му со лажичка..

За ручек почнете со една мала лажичка и понатаму постепено зголемувајте. Освен џемови можете да користите свеж и замрзнат зеленчук. Варете го ( најдобро е да се припрема на пареа како би се зачувале повеќето витамини и минерали ), помешајте со мала количина млечна храна за деца или вода како би добиле глатко пире. Немојте да додавате сол, на детето тоа не му треба.

Овошје

Почнете со јаболки, круши и банани, а потоа сливи, праски или кајсии како и сокови или компот. Ако овошјето не е зрело згответе го. Запомнете, не додавајте шеќер ( или само многу мала количина ). Исто како и зеленчукот воведувајте го постепено, една мала лажичка за ручек ( помешана во шишенце или дајте го со лажичка).

Млечни производи

Можете да почнете со воведување во исхраната на детето покрај млекото и млечни производи, како што се јогурт и сирење. Мора да бидат природни и без шеќер. Една до две мали лажички од оброкот може да биде добра замена за овошје. Ако Вашето дете е алергично на белковини од кравјо млеко, немојте да му давате млечни производи пред да се консултирате со Вашиот доктор.

Млечните производи не можат потполно да го надокнадат мајчиното млеко, кое сеуште е на прво место во исхраната на детето. Дете од една година сеуште треба да пие 500ml млеко на ден. Кравјото млеко не ги задоволува потребите на детето, во случај да не доите, употребувајте млечна формула барем до наполнување 1 година.

Од 6 месеци

Од шестиот месец во исхраната на детето може да му се воведат јајца, пилешко месо и риба. Меѓутоа треба да се воведуваат постепено како би се избегнале проблемите.

Јајца

Внимателно, ако е детето склоно кон алергии (алергија на храна, астма, егземи) или ако некој од членовите на семејството има алергија (родител, брат, сестра,...). Тогаш препорачуваме да почекате до една година и дури тогаш да вклучите јајца во исхраната.

Додека детето не наполни една година давајте му само жолчка, тврдо варена и здробена. Можете да помешате со пире од компири. Почнете со половина жолчка, потоа зголемете на цела, еднаш неделно. 

Месо, риба

Исто како и кај јајцата препорачуваме да не воведувате риба дури детето не наполни една година, ако е склоно на алергии. Изберете крто месо и риба како што се говедско, телешко, пилешко, мисиркино, ослич, бакалар,... Две мали лажички на ден се доволни за шест месечно дете. Менувајте ги месото и рибата.

Месото треба да е варено на пареа без додаток на маснотии, а рибата варена или приготвена на пареа (внимавајте на рибините коски), исцедено и помешано со заленчук. 

Млечни производи

Можете да ја зголемите количината и да му дадете на Вашето дете 3 до 4 лажички млечни производи ( јогурт ). Исто така можете да му дадете да проба нова храна како што се меките сирења.

Зеленчук

Детето сака да проба нов зеленчук како што е свежиот зеленчук ( домати, краставици), како и тестенини. Одберете тенки тестенини кои што ќе можете да ги мешате со супа или со пире. Можете да го користите тоа неколку пати неделно како замена за зеленчук.

Овошје

Детето сега може да проба црвено и цитрус овошје, киви и грејфрут. Межутоа, тие мора да бидат внимателно припремени. Цитрус овошјето мора да биде излупено и тенко исечено (дури и белата кожичка). Од кивито и црвеното овошје направете кашичка но претходно одстранете ги семките. Воведете ги постепено во менито на детето.

Месо, риба

Сега можат да се зголемат на 3 до 4 лажички на ден. Можете да внесувате и нови вкусови (свинско, јагнешко, овчо) како и риби ( сардина, туна и лосос). Месото може да го приготвите на скара само без маснотии.

Школките сеуште не се воведуваат во менито на детето. Тие се воведуваат после наполнета втора година. 

Назад

Вашето дете има 1 година и повеќе

Јајца

Белковините сега може да ги воведете но само варени. Останатиот начин на припремање (кајгана, омлет) се воведуваат после втората година.

Млечни производи

Млечните производи може да се даваат со секој оброк а количината постепено се зголемува.

Зеленчук

Сега на детето може да му се дадат компири, без оглет на кој начин се подготвени. Пазете само да не ги давате премногу често (еднаш или два пати неделно). На возраст од 15 месеци можете да внесете суво овошје и оризови снегулки, добро сварете ги и измешајте ги за да може детето да ги џвака без потешкотии.

Назад